＠一家大細之朗潼媽的家＠

May 29, 2008

新玩具~I Love Chips

sinwai 在天空部落發表於00:42:55 | 我的烘焙工具

星期日,我們一家四口難得行街街,經過一間玩具店,發現這裡也有這個玩具~~~自家製薯片。

最好笑的一件事發生了....................................

平時我見只有小朋友讓著大人買玩具,如今................

是我讓著我老公買玩具給我吧! 哈哈哈........................

不過,我只是讓著買的一個,玩的不是我,是我老公和子朗.

今晚開黎玩啦!只雖用套裝裡的配件切成薄片再用微波爐叮6-9分鐘,就製成了脆脆新鮮的薯片了。

結果:

薯片又新鮮,又脆,又好吃,是欠缺了味粉,但勝在夠原味,真的很好玩呢!

人氣 () | 回應 (2) | 引用 (0)

April 30, 2008

潼潼的party2008-4-27

sinwai 在天空部落發表於00:01:00 | 分享

潼潼的BBQ大食會Party提早了幾日舉行,是日有潼潼的大姨媽、大姨丈及其家人(當中有大B彤)出席,當然也有潼潼的大舅父大舅母、寶姨媽、影姨姨出席還有子朗的好朋友小青一家及煒霖仔一家呢。
我太耐沒有焗蛋糕了,潼潼的大姨媽想我今次的PARTY是自家製作做蛋糕,我實在信心不大呢! 唯有膽粗粗的做一個未製作過的蛋糕!
就是這個雙層芝士蛋糕~~~~焗的檸檬芝士蛋糕(只看過鄰居友人蕭太示範一次)再加一層凍的士多啤梨芝士凍餅(Cindy的食譜)~~~~

再製作三層芝士啫喱杯,啫喱,啫喱糖,豬肉乾

特別嗚謝潼潼的姑媽,製作鮮果沙律,豆腐花,炸雞

另加上小食及BBQ食品

觀看全文...

人氣 () | 回應 (0) | 引用 (0)

March 16, 2008

有姿勢有實際...哈哈哈!

sinwai 在天空部落發表於13:29:08 | 分享

兩仔爺的英姿!

人氣 () | 回應 (1) | 引用 (0)

February 21, 2008

2008年2月21日(元宵節)

sinwai 在天空部落發表於13:42:54 | 分享

各位BLOG友,很久沒上網見大家了,你們怎樣呢?農曆新年又怎樣過呢?
首先,報告下我的近況,新曆年過後,子朗要考試,之後,一家大細都病了,直至過農曆新年前.
子朗亦在農曆新年前入院檢查,我要將潼潼交給奶奶和大伯照顧一天,當天檢查很順利的完成了.
還有,我哥哥和嫂嫂已在農曆新年前搬入我村,住得同我非常近,很開心呀!
開心的事還有很多......
1.朗潼爸已在新曆年時送了一部有"3G"功能的手提電話給我,
2.年初七,一家大細同朗潼爸一起開工,還收到一個好消息,子朗在農曆年前的檢查出了報告,他已痊癒了,不用做手術,不過,都要等月尾及下個月尾覆診再作實.另外出晚膳"鋸扒"預祝~生日,情人節
3.年初二,我收到5份生日禮物,我要多謝媽咪親手織既頸巾,舅父舅母送的珍珠頸鍊,二哥送的襯衫,寶家姐送的毛毛拖鞋,珍珍妹妹送的胭脂,各姊妹的祝福.
3.2月17日生日的前一天,訂了一個電腦桌給我自己和子朗;晚上,哥哥嫂嫂送了一隻寫上"MaMa"(媽媽)的水杯給我,他們說這隻杯是有一系列的,有爸爸,有仔仔還有妹妹的.
4.2月18日生日的一天,沒有想過,朗潼爸不去踢足球陪我一家大細再去"鋸扒"慶祝生日.
5.2月19日子朗派了成績表,好了好了...........成績進步了,雖然是少訐,但都算安心了.

這個月還有幾天,希望以後的日子一樣開開心心!

祝大家"元宵節快樂!!!!!!!"

人氣 () | 回應 (4) | 引用 (0)

December 29, 2007

送舊迎新!2007-2008

sinwai 在天空部落發表於18:07:23 | 分享

又一年啦!
首先多謝蒞臨看看我的blog既朋友!

還有3天,便是2008年,回故2007年,我真的過了充實的一年,也是懶惰的一年了,充實的是生了個寶貝女,她真是"人見人愛,車見車載"的可愛bb,她令我們一家帶來了很多歡笑,我也被人們稱讚"湊得好".雖然我要用心用精神去湊,但都要bb合作先可行;懶惰的是沒有時間做食物和沒有時間與大仔溫習和遊戲,只是做了簡單的凍餅和啫喱,而大仔今次的成績是我從未想過那麼差,我沒有罵他.是我沒有放時間在他身上?還是考試前出水痘沒上課關係?............算吧!........唯有叫他努力加油!!!!!

寄望明年會順利!
子朗通過檢查&手術成功!
子潼健健康康,継續肥肥白白!
朗潼爸生意興隆,事事順利!
而我朗潼媽呢................可以心想事成~~~~~可以做美食,可以湊得得仔女肥肥白白,可以教得仔仔成績進步,可以..........................

我都在此祝你們2008年心想事成!

人氣 () | 回應 (5) | 引用 (0)

October 30, 2007

我已病倒了!

sinwai 在天空部落發表於17:43:07 | 分享

人氣 () | 回應 (5) | 引用 (0)

October 29, 2007

這個BOLG暫時變了.................

sinwai 在天空部落發表於13:50:40 | 分享

這個BOLG,現在沒有了我做的食物,只有抒發我的情感和近況,暫時變了!

今天收到一個電話,她是我中一的班主任~Miss Chan.她由法國返港,不過2星期後又要飛返法國.今次她來去匆匆,加上朗朗出水痘,沒有時間出來見面,只好通電話,但我都很開心了.

人氣 () | 回應 (1) | 引用 (0)

October 28, 2007

朗朗出水痘呀!

sinwai 在天空部落發表於17:35:43 | 分享

朗朗出水痘呀!

上星期二,學校的註校姑娘(卓姑娘)通知我,朗朗出水痘,要立刻看醫生.
卓姑娘和私家醫生都認為,如果潼潼妹未足半歲,會比較危險,要盡量將他們隔離和要我接觸過朗朗哥哥要勤洗手.不過,勤洗手好易做到,但將他們隔離~對我來講是很難呀~~~~~~~~~!

今天已經第6天看第三次醫生,,情況都ok,比起前幾天好得多了,不過要等水泡乾結先得.而家都係最擔心潼潼妹有感染已未發出,所以都要多加注意!

朗潼爸就已打敗仗了,而我有作病似的情況,全因睡眠不足引起,不過這幾天我都跟朗朗哥哥一起食粥飲涼茶,
都希望自己不要被病毒打倒!

希望潼潼妹沒被感染&朗朗哥哥快些痊癒!
朗朗哥哥11月2日考試,怕他..............^~^...................!

人氣 () | 回應 (0) | 引用 (0)

September 10, 2007

失落呀!(有感而發)

sinwai 在天空部落發表於14:13:15 | 分享

今天,看看網友既BLOG,他們天天都有新款新鮮食物&新的“玩具”,自己自然感到好失落!
問問自己,
以前喜歡整食物的我又會添置新的“玩具”去了那裡?
我既朋友去了那裡?
唉...................................................................!
再望望我的囝囝囡囡,只嘆一句「為了他和她,要放棄都值得吧!」

人氣 () | 回應 (8) | 引用 (0)

September 10, 2007

BB女減肥一星期了!

sinwai 在天空部落發表於14:06:21 | 分享

嘩......BB女減肥一星期了!
摸下女女,她已瘦一點點了.

人氣 () | 回應 (0) | 引用 (0)

August 31, 2007

BB女也要減肥呀!

sinwai 在天空部落發表於13:58:57 | 分享

BB女今天往健康院打4個月大針,
由於身高與體重不符合比例~過重,
4個月大已經有成17磅幾啦!
要見醫生幫她減肥,
要求每餐奶減少一匙奶粉!

人氣 () | 回應 (1) | 引用 (0)

August 15, 2007

今天是子朗的生日

sinwai 在天空部落發表於18:10:40 | Cream Cake

子朗SNOOPY:

~生日快樂!~
~身體健康!~

人氣 () | 回應 (3) | 引用 (0)

August 3, 2007

我有做功課架!!!!!!

sinwai 在天空部落發表於15:23:42 | 凍Cheese Cake

我有做功課架!!!!!!

FORM:2007-6-17
嘩! 太耐無動手啦!睇下自己有無失手先!hehe.........

FORM:2007-7-18
遲了給老公的生日蛋糕 !

同場加影凍凍甜品

FORM:2007-7-21
教授兒甥女亞芝的cheese cake,她送給她的男友的 !

人氣 () | 回應 (2) | 引用 (0)

July 17, 2007

好掛住大家呀!

sinwai 在天空部落發表於14:57:35 | 分享

大家好呀!好掛住你們呀!
(電腦剛剛維修好,昨天才搬回家)

我的生活很好,兩個小寶貝都很好!

子朗於7月13日開始放暑假了!放假前已派發成績表,um......成績都尚算ok!全班排第8名,全級排第55名

;
至於健康方面,7月4日已經見過兒科外科醫生,他們給我選擇是否給子朗做手術.
如果不做手術,就連抗生素都要停,不用任何理會,萬一再發炎的話才去處理,
如果做手術的話,要事前做2至3個檢查才會做手術,醫生話當然唔可以百分百完全成功及無事,手術始終都存有風險.
昨天才見過兒科腎科醫生,他們也是講解同一番說話,不過,最終決定都是要等10月31日告訴兒科外科醫生,現在都継續食抗生素吧!

我相信大家都好想知子潼B女既近況呢!
她已2個半月大啦!7月6 日到健康院打針時,體重已經有12磅了,足足比出生時重了1倍

.她仍然是每3小時1餐奶,每餐4-5安士.希望她一日一日健康的成長!

人氣 () | 回應 (5) | 引用 (0)

July 16, 2007

新成員~ 子潼B女

sinwai 在天空部落發表於16:03:01 | 分享

新成員~ 子潼B女, 所以本人的網誌也改了名了!

人氣 () | 回應 (2) | 引用 (0)

April 29, 2007

還有２小時

sinwai 在天空部落發表於17:41:55 | 分享

還有２小時，我便要入院了，心情好緊張呀．．．．．．．．
要等一個慢長既夜晚先到４３０早上．．．．．．．
我最放不下的是子朗仔呢，希望無我既督促下，都如常的生活時序，聽聽話話吧！．．．．．
好希望住院的每一晚都見到子朗爸，知道他的工作關係，一定過了探病時間，期待著５月１日他的假期見見他＆子朗！．．．．．．．
相信，我要等一段日子先再ｐｏｓｔ網誌了，
在此，先多謝關心我的朋友＆網友，謝謝你們的祝福！

人氣 () | 回應 (7) | 引用 (0)

April 17, 2007

結婚紀念日 & 期待430

sinwai 在天空部落發表於14:38:59 | 分享

430大日子將近,即亞b好快同我和你們見面啦,心情緊張又興奮!
不過,這2個月就十分辛苦,除左要少食多餐,仲要係少睡多餐tim!每睡幾個字,一醒就醒個幾鐘,又要成日轉下身,好難入睡!希望430快d到&過埋坐月期,咁就好啦!

仲有,今明兩日係我同子朗爸既8周年結婚紀念日,係星期六攪左個BBQ,算已慶祝左lu! 因為星期一至五好難出街食飯,子朗爸好夜收工,子朗第二日又要早起床番學.
8年啦,真係不經不覺,我同子朗爸既感覺都係一樣,似結婚2、3年咁,不過,見到子朗都成6歲幾,又好似過左好多年咁.........
好希望年年結婚紀念日都有呢個感覺!
子朗爸IU

人氣 () | 回應 (6) | 引用 (0)

April 4, 2007

兒童節收到一個電話!^~^"

sinwai 在天空部落發表於22:19:13 | 分享

兒童節收到一個電話!^~^"

子朗開始放假啦!今日只係第一天,我和子朗跟著子朗爸開工,其實當遊車河,在途中接到醫院電話,原本出年2月見外科醫生的,現在醫生會提早接見(7月頭).我心情沉了一會呀!開開心心既一天,收到一個好壞之間既電話,令我擔心吧!................早些見醫生~可以早些知道之後應該點做;但又驚結果!

人氣 () | 回應 (6) | 引用 (0)

April 3, 2007

請放心吧!

sinwai 在天空部落發表於11:57:36 | 分享

請放心吧!

要大家擔心我,我好過意唔去呀!

我會開開心心架啦!請大家放心!

因為我仲要迎接另一位小寶貝既來臨!
不過,今胎真係好唔同,係辛苦d,仲感覺呢另一位小寶貝係一個坐唔定小寶貝和比起子朗哥哥無咁乖tim

,heh......點都好啦....都係等佢出世之後先知係點!

至於子朗病情方面,我只唔開心一兩日既日子已經過去啦,見到子朗鬼鬼馬馬引我笑既樣,都忘記了唔好既事!
只要佢活得開朗健康就已經夠啦!

仲有子朗告訴我知第一天的訂飯都唔錯,好好味,不過都係只吃了半盒!
希望過多幾個月之後,佢可以食到我親自炮製既午餐盒啦!

人氣 () | 回應 (6) | 引用 (0)

April 2, 2007

失蹤的原因

sinwai 在天空部落發表於12:22:36 | 分享

大家好!好耐無見大家啦!唔知大家最近點呢?
我就唔知叫好定唔好啦 ........
由上年11月開始,一直都擔心到3月9日的黃昏!

上年11月的一日,子朗如常到政府專科覆診,醫生安排他接受2個入院照腎掃描檢查.

這2個檢查,子朗細細個的時候都做過的,所以我都略為知道過程; 2個檢查都要空肚好多小時,還要打一粒”黃豆仔”係手仔度,方便注射針藥,其中一個檢查是把針藥注射後3小時才可開始; 2個檢查都要病人乖乖的不要郁動,否則,要重新約期做過或注射鎮定劑呢!

當我去約期時,我好擔心,我知道我懷孕既關係,到時不能走入醫院的核子部陪著他的一刻,我個心流著淚,同時憶起他兩三歲時接受同樣檢查,我更為擔心,如果他不注射鎮定劑,他一定要我在他身邊.

上個月尾,我到健康院做產前檢查,體重只增加0.2kg,我同姑娘講,可能係我頻僕和擔心仔仔將會一連2天接受2個入院檢查關係吧!接著…….我哭了! 姑娘開解我,不過,我好快就回復過來,雖然仍然擔心,但將心中既說話講出,成個人都鬆了一些!

3月4日家長日,見過班主任,接過成績表,我覺得今次用既溫習方式好岩子朗.今次既成績進步了很多,比我想像中還要好,子朗在全班中排第十名,我承諾過,如在15名內,我會獎勵一部”PSP” 或 “NDS” 遊戲機. 他得嘗所願了. 其實我都怕獎勵唔到比佢,因為遊戲機係我將會用既”秘密武器”.

3月5日我如常整午餐盒,在製作途中,我突然情緒低落,諗起子朗的手仔要打一粒”黃豆仔”,我個心好痛,這麼小既人,要受那麼大既痛苦; 以前有我陪著係佢身邊,今次就唔可以近近的陪住他啦!.......................我哭了,哭得比之前更厲害!我想打電話比子朗爸,但我喊成咁,一定嚇親佢,想打電話比知己,又係怕嚇親佢地!

3月6日我送飯到校過後,就找大哥陪我去買子朗好想要既NDS遊戲機,當日非常頻僕,買完趕往學校接放學.

到了晚上,等子朗入睡後,我便研究下載遊戲,可是到了12點幾都未研究成功,放棄吧!幸好大哥話第二日傍晚同我交換記憶卡….hehe….大哥張卡係有games架!

3月7日子朗放童軍後回家等我大哥電話,接住行路出去交換記憶卡,我好多謝大哥,專登扲入黎比我!

不過,子朗都係玩30分鐘,就比我收機la!

3月8日我成晚都瞓得唔好,成晚醒.希望在6:30am不淮飲食前比子朗食定打底先. 5:30am 子朗都係飲一盒奶之後継續瞓啦….無法啦! 9:00am入院後,做埋未做好既功課,之後……. ”秘密武器”出動啦~ NDS遊戲機.打”黃豆仔”前可以用2隻手仔打機, 之後………..烏烏烏……….. 打”黃豆仔”後只用支筆玩啦!留當我要子朗讓眼睛休息一會時,他就叫苦連天啦…..”好肚餓呀”……………………12:00pm他進入核子部檢查,幸好多得同住既子朗的大伯幫助,陪著子朗. 而我就坐在門外等候,只等了45分鐘及不用注射鎮定劑關係,1:30pm已經回到家中了. 可是, 我要同子朗保持距離呀…………….因為他檢查時所注射的藥物有好大幅射,為了肚裡的BB,唯有與子朗保持距離吧,還有,醫護人員更叮囑我,晚上都不能與他入睡!

3月9日在8:00am不淮飲食前比子朗食定打底先. 今日的檢查比8號的一日還要耐時間,所以”秘密武器” NDS遊戲機,係子朗既精神食糧,同時,在他針藥注射後等3小時後檢查既時間不可缺少的. 玩得時間太久了,要他稍作休息時,他因太肚餓而大哭. 而我又因他注射了針藥不能進入病房,只可站在門外與他對話,實在心痛極了,不能擁抱他…………………..子朗好乖好乖,人人都讚佢好聽話,又不用注射鎮定劑,所以好快可以出院啦!...............................子朗手背上遺有2塊遮蓋打”黃豆仔”既膠布,佢調皮的說,要留下継續貼在手上待明天給同學仔看看!.......................哈哈哈……………..傻豬仔子朗,真係令我哭笑不得!我既心頭大可只放下了三分一,因報告未出.

3月12日我2:15pm又要到健康院做產前檢查,體重又只增加0.2kg咋!可能係之前子朗檢查既關係,無胃口進食,所以體重得唔好吧! 到3:30pm,接子朗放學到政府專科覆診,仲以為可以好快知報告,唉…….又係要等,我要求醫生報告一出盡快打電話比我.

3月26日到健康院做產前檢查,重了很多啦!不過,下次覆診要到政府專科,原因是6年幾前第一胎開刀生子朗.

3月26日至28日一連三天是子朗的學校考試,今次會比之前的不好呢,他告訴我,有些試卷未能及時完成,所以,我會不抱期望吧!

3月29日子朗的學校只返半天,正當休息時,接到政府專科醫生電話,報告已經出了,情況是仍然未有好轉,需要轉介外科,與外科醫生商討是否做手術,幸好子朗是日返半日學,就安排下午到政府專科取轉介信及排期;我既心情好亂,立即通知子朗爸,通話過後,我大哭了,我責怪自己令子朗受了太多苦,哭了一會,我要令自己不用想得太多,便去拖地做家務,做做做…………………..很累呀!........................唉!.................. 排期排到下年2月,到時只不過見醫生商討!是晚,我擁抱著子朗,”係媽咪令你身體受苦,會唔會怪媽咪呀?”子朗實在好懂得安慰我,”媽咪你唔好喊啦,都唔關你事,你唔好喊啦!”我好無用呀,竟然要一個6歲小孩安慰返轉頭!

3月30日製作子朗的午餐盒暫別前的一天,他要求食壽司,他告訴我,如以往一樣,打開餐盒給同學仔欣賞,今次,他的同學仔,要求要食,子朗答我很有趣”我請你地食,不過,唔好食咁多呀!”可能佢怕同學仔會搶食晒,hehe………..

午餐盒暫別啦!

4月2日子朗第一次在學校吃訂飯,呢一日我是很輕鬆,亦是很失落!每日忙碌的我,如今……………是好也是壞………….彧者未適應吧!

人氣 () | 回應 (8) | 引用 (0)

＠一家大細之朗潼媽的家＠

＊＊用無比勇氣不斷嘗試，更是用心製作！！＊＊ 子朗媽的家已改為一家大細之朗潼媽的家啦!

＠一家大細之朗潼媽的家＠

＊＊用無比勇氣不斷嘗試，更是用心製作！！＊＊子朗媽的家已改為一家大細之朗潼媽的家啦!