不知道何時開始頭痛經常出現,上年的九月還需要入院檢查。雖然沒有大外,但仍不時頭痛,非常痛苦。經過每次頭痛出現的時間,我作出了一個粗略的估計,我懷疑自己患上XX憂慮症。

同事們說頭痛時若感覺是從周圍壓到中心的話,可能會是因為壓力或者緊張引起。看來跟我的情況非常吻合,但奇怪的是除了上班外,我連放假也會感到頭痛,而且當有重要事做時,頭痛就更加厲害。

這幾天我的三個星期大假終於來了...但由第一天放假開始我便覺得身體不舒服,不是頭痛就是全身無力...白痴地更懷疑自己腦炎。(因為之前被蚊釘得厲害~)越是擔心就越覺得不舒服,成日都擔心旅行不順利,...唉!總之就令人頭痛...結果累得自己成個病樣咁...我也不明明為何放假都不可以輕輕鬆鬆的!!!

不過無論怎樣也好,明天便要上機開始我的英法之旅了。希望一切都能夠順順利利,我一定要輕鬆開心地去這兩個星期的旅行。第一次跟你一起去咁遠的地方旅行,心情好緊張呀!!!我知今次累你洗了很多錢呢...但我相信是值得的!!!

祝我們一路順風~


觀看全文...

觀看全文...

從來都覺得一個人懂得自我反省並不是一件好事,可能係因為自己每做完一件事後都經常反思...可惜,這並不代表我能夠能從反思的過程中得到改變而有進步~相反令我更辛苦!

反省反思只會令我做每一件事都不能輕輕鬆鬆...我寧願當做錯了事時,我仍然自信自己是對的,而沒有自責的感覺...多好啊!!!感覺真的係矛盾...明明知道自己有錯,偏偏就沒法子去改善...,但同時自責的感覺又長期停留於內心...唉~~~多煩惱呢!!!

你見我經常不開心嗎!?多半是因為我這種矛盾思想在作祟...令我不知所措...不明白我說甚麼嗎!?很簡單...我是有例子的~

正如上班時,病房內很忙很忙, 我對病人的態度其差...對他們所有對身體不適投訴都視才為"扮野"..."引人注意"的舉動...
哈!仲話做姑娘喎!!!咁既態度係幾咁可恥...我係知道的~所以對此態度非常內疚!!!我有嘗試去改...每日番工臨入病房前,我都會提自己..."今日幾忙都好,都要態度好,他們不是有病都不會入院,...做護士唔可以對病人呼呼喝喝的...你只係做左三年咋...唔好可以變成這樣的!"
但如果病房越來越忙,我往往都是中途便失敗了呢~唉!!!明知錯但又改不了,對我來說真的很難受...當然我不會輕易放棄,我會繼續嘗試去改啦~

又例如跟你一起,明知自己小器...脾氣差...,但又改不了,見到自己發脾氣,我就更嬲自己...更加不想說話,你會以為我生氣,但我又點講你知其實我知自己無理取鬧呢!?

有時候甚至以為自己有精神病呢~~~




觀看全文...

又一個婚禮了, 係今年第三次參加婚宴了 現在的婚禮其實大部份都玩差不多的玩意.. 一對新人未進場時都會先放映他們成長的相片, 跟著賓客們會手持一支會發出彩條的東西向一對新人發炮... (呢個集體活動係幾好玩既...) 中間原來已經不興玩新郞新娘的節目了, 轉換了一些在春茗玩的大抽獎之類的遊戲, 今日竟然有魔術睇...真的意外~ 其實我係非常渴望參加婚禮的, 當然我係冇考慮做人情的問題啦~ 我只係好想去感受結婚嗰種浪漫溫馨既氣氛... 每次看到一對新人成長時的相片, 我都總會想一想...到時自己應該放咩相呢~ 看著他們的相,聽著他們講一些情深說話, 對於我一個咁易喊既人黎講 我都會非常感動,好似自己嫁咁...好想喊... 我成日都覺得每個女仔都係恨嫁既, 雖然某部份人並不承認, 當然我亦唔排除真的有不想嫁的人... 但總括來說,沒有一個女仔不沉醉於浪漫的婚禮氣氛中... 其實清醒些既女仔會想多一點關於錢呀之類浪漫背後既一大堆煩惱, 但我仍然憧憬結婚既浪漫,...只是已經不會再講出口了~ 希望身邊人會了解,...當我談到結婚時,我並沒有想得太多... 我只是想你陪我做做夢吧!!!

觀看全文...