July 11, 2006
反斗車王
簡介 :
有冇諗過，各式名車跑車汽車，各有獨特職業，各有搞鬼性格，仲有古靈精怪的生活方式：《反斗車王》裡面，一個只有車的世界，保時捷、賓士、甲蟲、甚至拖頭等數以百計車款，全部以抵死造型搬上銀幕，「做盡」搞鬼新鮮事，有幫車「整鞋」的車房、有賣各種汽油的「小食店」，一個有車講冇人講的世界，肯定引發爆笑連場！
今年暑假迪士尼繼續伙拍PIXAR, 為我地帶多一齣以車為提材既電影. 仔仔本身已經以十分喜愛車, 甚麼頭文字D, 賽車遊戲, 玩具車等一一都唔會放過. 所以仔仔對呢齣反斗車王可謂欣喜若狂, 每次見到反斗車王既廣告就會提醒我記得帶佢去睇, 心急得很.
回想起第一次帶仔仔去戲院應該是05年2月, 當時仔仔就只得3歲半. 當時影院正播影超人特攻隊, 為左令仔仔感受一下電影院睇既氣氛, 決定一家人到電影去欣賞.
要仔仔去到一個完全陌生既環境, 仲要係經常柒黑一片, 起初都有點擔心仔仔中途會扭計, 害怕或甚至會哭起來. 當時已經同太太協議好如果仔仔真的扭計的話, 我地便會一齊離場, 不竟電影院係公眾地方, 我覺得係任何情況下都唔應該騷擾到其他人. 幸好最終都能睇完整套戲, 完場後還嚷著要明天再去添 ^_^
題外話 :
早二天在玩具店見到 Mcqueen 玩具車仔, 覺得很可愛所以買了一部回家送給仔仔
Posted by at
天空部落 │11:53
│
回應(16)
│
引用(0)
│
影視音樂
引用URL
http://blog.yam.com/tonyyks/trackback/6223764
我又睇！東尼請我睇～～～
我又睇~~~我一定唔會扭計架!請埋我啦!!
同你兩隻妖怪去睇想阿仔唔扭計都幾難 =.=
請我去啦，我幫你睇住個仔 :D
請我同我個女去睇，我叫思澄幫你睇住個仔~~~ XDDD
銀姐 : 有妳睇住我就放心晒, 咁啦你帶仔仔去睇車王, 我係隔離睇鬼域, 散場門口等XDDDDDDDDDDDDD
占叔 : 我驚到時係掉返轉喎, 仔仔都有少少照顧小妹妹經驗嫁 XDDDDDDD
東尼，無問題，只要唔好撞正我睇Superman果日就得 XDD
原人去既話，兩位小朋友一定問你﹕「爸爸，套戲一定好好睇，連深山大原人都來睇喎﹗」XDDDDD
東尼：做咩叫我妖怪！頂你呀！
脂肪：你想死！
其實原人睇汽車卡通片都唔好笑，係原人學「手查」車先好笑。
「爸爸，點解原人都識「手查」車既？」XDDDDDD
銀姐 : 一於咁話啦, 時間再約 XDDD
脂肪 : 佢地一定會好驚, 邊個動物園走甩隻大黑熊, 然後會用死光槍打死佢 XDDD
原人 : 我只係實話實說
脂肪：我遲早「揪脂」！
東尼：我先打死你！
我遲早「揪脂」！
黑熊來揪脂，我咋死睇係地下你咪會走開囉？XDDD
星期六睇左, Pixar 既CG真係好靚. 大峽谷, 車身既反光位, 以及車子既動作都做得好好. 故事中亦有不少笑位, 而粵語版配音及電影中既音效亦具一定水準. 不過故事節奏就明顯不及超人特攻隊明快, 但整體仍屬高水準之作. 最精彩既鏡頭我會選McQueen最後換呔嗰幕, 真係快到冇影 ^ _^
p.s. 橫綱鐵要飛尾就搵我啦, $30 一張, 呵呵呵
咁快睇咗？值唔值入戲院睇？
咁快睇咗？值唔值入戲院睇？
值呀, 快入場. 睇動畫唔睇PIXAR咁睇咩? 不過如果唔係有小朋友我就會去睇超人先:P
仲有係電影開始前有一段短片「1蚊Show」都拍得好精彩. 不過就錯過了片尾播字幕時既花絮, 遲d等出碟時補睇返.
