出左醫院幾日，開始喉嚨痛，真係邪！唔睇醫生由至可，一睇就開始咳同流鼻水，重要係一發不可收拾，邪上加邪！攞左日病假，乖乖响屋企食藥，d藥一食左唔夠半個鐘就超眼瞓，好似就黎暈咁，係收到鼻水，不過唔知點解瞓唔到覺，好辛苦！返左一日工，係咁咳，雖然有戴口罩，都唔係幾好意思，咳到我個肚都扯住痛，頂唔順都攞多一日no paid病假休息，醫生本來俾兩日我架，不過成日病假又唔係幾好，又無錢，所以都係休息多日就算！奶奶叫我睇中醫，我成日覺得中醫慢d，啱調理身體，有病都係西醫快，不過半推半就又睇中醫又睇西醫咁，西藥又唔敢食太多，所以都係臨瞓前先食，中藥就夜晚食，攪到亂哂，都無起色！最後都放棄兩様都唔睇！
咳左成個禮拜，好辛苦，日日都要响公司戴口罩，又扯住個肚，都係就去睇多次中醫啦，唔得就算！點知好神奇，食左一、兩次藥已經好得七七八八，所以今次好神心咁乖乖執多幾次藥快d好番，咁小b就唔使成日俾我嘈住哂啦！