April 26, 2006

勁想買勁想要..!

2月個日本trip , 返香港o個日o係日本關西空港Duty Free 度
見到 lee 支 好香香香o既香水, 其中一個十分貪靚o既團友話
<>
不過50 ml 都要港紙三百幾蚊, 100ml 要五百幾蚊
超爆貴唔捨得買.... 睇下遲D 有無人送比我..

Posted by waisiub at 天空部落 │18:54:32 │ 回應(0) │ 引用(0) │未分類

March 23, 2006

出Amsterdam 記

今日又係注定出去破財o既一日!!
此話怎說?? 因為.. Mr CK 買左兩條Jeans 囉
係Puma 同Elvisu crossover 呀!!!
早前香港o係情人節o個日推出o既限量版賣到成$2000 條呀
仲係全亞洲只發售1千條架咋 (好似係lee 個數目)
荷蘭o既Puma 專門度賣最貴o個條都只係€150!!!!
佢又著得好睇, 所以一買就2條唔同色& 款~~
仲買左支€15 o既Puma 限量版香水比我~~ 承惠€303 ..!
最後個職員送左Puma x Elvisu o既女裝Tee 添,not for sale 架~~!!
行返出去攞車o既途中, 入左間波鞋店度睇Adadis o既最新限量版波鞋
就竟然比我地發現左對彩色o既波鞋, 仲好鬼死靚~~
<< 型號係 Adidas SMITH COMF FD 06 (451505) >>
最後梗係買laaaa, 雖則係€94.95 ....
比你地睇下對鞋laa~~

Posted by waisiub at 天空部落 │23:47:00 │ 回應(0) │ 引用(0) │無聊記事

March 21, 2006

世界真細小!

早幾晚由餐館返屋企, 大概應該10點幾左右la
無聊地打開ICQ, online o既人當然係少之又少啦
因為香港都凌晨5點幾喇, 唔洗訓咩~
但我見到個小學同online mode , 覺得奇怪就睇下佢info
再入埋佢xange, "嚇然 "發現, 佢o係荷蘭北部影o既相!!!!!!!!!!!
即刻問佢點解會尼左荷蘭啦, 原來佢讀Poly 架,
尼荷蘭係因為大學exchange呀~ 佢而家住o係Friedland !!!
無錯!!! 正是偉小B 偉大帝o既鄉下呀!!!!!!

Posted by waisiub at 天空部落 │21:26:34 │ 回應(0) │ 引用(0) │荷蘭 / 歐洲記事

March 14, 2006

勁笑o既一個weekend

哈~ 上個weekend 去左kerin 度訓, 星期五去星期日返
佢阿哥同細佬都幾靚仔架~!!! :P (不過連個阿哥都細過我.. )
由於我帶埋整朱古力個模去, 所以我地決定星期六整朱古力!!
我地星期六晏晝煮午餐肉米粉尼食,不過佢host dad 覺得米粉唔好食
要連埋肉先有味, 而佢host mum 就覺得午餐肉唔好食而齋食米粉!
真係奇怪...荷蘭人o既口味都差咁遠..

人人都有第一次, LEE 個第一次(整朱古力)我地徹底地失敗!!!!!!!!
我地用"叮叮machine" 即係微波爐(KERIN 同host 之間o既語言)
尼叮溶d 朱古力, 但我地想快d,所以set 到900W (最高溫度..)!!!
開頭都相安無事, 大概3分鐘後出事喇, 大家都聞到好勁o既燶味!!
原來係D 朱古力燶左, 連個微波爐盒都熔左少少!!!! oh my goddd!!!
我地勁驚又o係度勁笑...驚係因為佢host mum 會鬧我地
笑係因為我地覺得自己勁白痴!!! 最初佢host mum
仲未知我地做咩拎盒朱古力出尼攪, 仲話我地盒朱古力太乾
並且加左d 水落朱古力度... (朱古力加水去焗會燶..)
最後我地倒左d 朱古力, 因為朱古力太熱o既關係
倒落個垃圾袋度都"滋滋聲"...! 再話比佢host mun 知個盒焗到熔左..
佢極度驚奇..可能仲有少少angry,
不過之後佢比左個好似碗o既兜我地再焗..
之後就終於成功! 我地仲o係每粒朱古力度加熊仔橡皮糖~!
好好味!!! (因為無 SOFTWARE cut 相, 所以擺唔到相上尼..)
我地總共整四次朱古力(一次失敗), 第一次成功係大家食o下,
第二次我整比ck 食, 第三次我整比kerin host 食~
阿細佬仲奉獻左佢D 朱古力比我地整~!
整體尼講, 佢ＨＯＳＴ真係幾好，係個HOST MUM 嚴格左少少
咩都要分得清清楚楚,係lee 樣唔好啦..~
再去多次探佢地都唔錯o既~

Posted by waisiub at 天空部落 │14:46:56 │ 回應(0) │ 引用(0) │無聊記事

March 10, 2006

暫別...........幾日

其實我星期日晚會返尼架喇..~
今次唔去host 度住~

Posted by waisiub at 天空部落 │11:49:49 │ 回應(1) │ 引用(0) │亂UP一通

March 7, 2006

返到荷蘭lu

真係過份, 飛o個晚居然遲左足足2個鐘先起飛!!!!!!!!!
好似話係冷氣定引擎定什麼故障喎...
連隔離gate 飛London 都delay 左個幾鐘...
如果o係荷蘭CX 就要賠錢比每個搭客喇,
因為係規定左無論係邊間airline 都要賠錢!!

lee 程機都好壞參半..唔好o既: delay 2粒鐘la
我地坐最尾o個行..再遇到N 次氣流, 仲要有幾次係唔少野...
仲有勁凍la..蓋左張'煎' (醒唔起點寫..) 都係勁凍
尤其對腳....so 慘....
好o既: 有個空姐唔錯啦~ 野食ok 啦 (不過無影相)
茶點個餅幾好食啦~派餐首先派我地啦(因為係最後)
最後因為delay 左2 粒鐘先飛, 所以要飛快好似半粒鐘la..
(其實好o個d 都唔係真係特別好, 但唔係好差囉..)

續...

Posted by waisiub at 天空部落 │11:32:41 │ 回應(0) │ 引用(0) │無聊記事

March 6, 2006

Nederland

上回講到返到荷蘭, 開心o既終於飛到啦,
因為lee 程機辛苦嘛...擔心o既,
咪係d 行李會比海關人員check
並且充公我d 野食囉..
架機未停定就已經見到好多雪雪飄緊喇
我勁開心囉~落到機有3個香港人
勁開心咁拎住相機猛咁影,
d 荷蘭人就望住佢地..
但由於我拎住好重o既行李
都無心情停低落尼影..
過埋passport o個part
就出去等行李, 真係等了又等....
CK 由於o係cx member
所以佢有掛cx 牌o既o喼
係第一件彈出尼o既行李!!
(我以後一定要做CX o既member..!)
架機有好多乘客,個個都企o係度呆等
我心諗:心底荷蘭人o既手腳可唔可以唔好咁慢...??
到我地d 行李齊晒之後都係大半個鐘後o既事喇
卒之都係比d 海關人員截停我地, 要過埋x 光機..~
佢scan 到我個o急有野食...
佢真係大件o個d 行李打開尼check 囉
我從來都唔知阿ck 原來係咁talk 得..
佢又話唔鍾意同荷蘭人傾計...
話佢地講埋d 野好無聊喎..
確實又係..佢連去日本買好多野
都同個海關人員講...-.-'........
check 到最後, o個個雖然肥
但其實好型o既關員,
都無打開我用花紙包o既'違禁品'~
最後開開心心咁返屋企la~

Posted by waisiub at 天空部落 │16:00:24 │ 回應(0) │ 引用(0) │未分類
回頁首▲