我們要民主

December 2, 2005

時間表 & 民主派

老實講, 搞政治係需要睇現實的
學梁文道話齋, max weber講的責任倫理一樣重要 (即係要o係政治理念同現實環境之間達致平衡)
我個人認為遊行只係表達意見的方式, 冇人話要打劫搶掠, 冇人話要衝入去政府總部揪老曾出黎打
香港社會都唔容許有人咁做
但係如果中央認為咁都算係抗爭, 咁即係要我地做順民

如果係咁的話, 抗爭係有必要的
佢要你今日做順民, 就難保2012, 2017年一樣要你做順民

我自己呢, 就認為即使係聽日開始普選, 亦無不妥
但係咁樣即係叫中央死 (大陸o個邊知道香港即時有普選, 一定會有chain effect)
所以要"循序漸進", 亦可接受

成個game就係咁, 民主派既冇可能要中央即時普選, 又唔可以任中央開空頭支票
佢地最需要既, 係要提出一個願景, 例如爭取2012
而且佢地需要俾市民同中央知道, 佢地係有辦法爭取到, 而且有堅持

不過算啦, 呢班民主派, 老啦.
個個都係諗住做多一兩屆立法會就收山, 理得你2012定2112

by 政政柱男
Source: news://news.hkteen.org/43855c94$1@news.hkpcug.org
(回應 "福利社會、階級鬥爭，你所欲乎?"一文)

Posted by wewantdemocracy at 天空部落 │17:59:21 │ 回應(0) │ 引用(0) │我們的心聲

普選與人民 & 從政者質素 & 政黨政治

我睇普選, 唔睇適唔適合, 我認為政治權利係人賴以生存的基本權利之一
又係o個句啦, 我唔認為綜緩戶教育水平相對低, 就唔"適合"普選, 就一定係適合搵個皇帝管佢
等於我地唔會問一個人有冇質素要求食飯權, 適唔適合有食飯權
其實, 你又可以話, 冇得普選唔駛死既, 我真係駁唔到你
咁人的確係每日有個麵包有杯水有件衫, 就唔駛死既

我又想問, 你覺得百幾二百年前的歐洲人, 知識水平夠唔夠我地高?
我都唔明點解成日要講選民"質素"
二十一世紀的香港已經近乎零文盲, 70年代以後的人全部最少讀完中三, 人均GDP係二萬三千蚊美金, 法律制度, 社會經濟通通健全
咁又叫冇質素
你可能唔知, 香港咁既水平竟然冇普選(1947年印度咁多文盲咁窮就有普選), 係政治學界好hit的研究議題
又係o個句啦, 政治學者都只係人, 你可以選擇唔信佢地既

乜有人可以o係陸地上面, 上幾年course, 掟落水就識游水咩?
你知唔知歐洲人搞過幾多次革命, 流過幾多次血, 承受左幾多痛苦, 至有今日?
民主從來唔係一件廉價東西, 你唔爭取, 當權者根本冇必要分權俾你
當權者梗係話循序漸進啦, 進到2017, 老曾挽下手死左咯, 佢睇鬼到
可能下手會同你講, 喂, 係上手老曾話循序漸進, 我冇咁講過喎
佢要賴皮, 咁你吹得佢漲?

選民質素, 從政者質素, 一定要有咁既平台至有可能發展
台灣而家就係行緊咁既路, 而且行得好辛苦
但係佢地從冇怨過佢地人民唔適合選舉 (你有留意台灣一定知我講乜)
因為人地真係經歷過幾十年的高壓統治白色恐怖, 知道冇政治權利係咩一回事
你去台灣搭下的士, 問下d司機要唔要普選, 睇下佢地有冇人答唔要?

民主唔係一種制度咁簡單, 唔係掟張票落個箱度就叫民主
入面仲有好多文化元素, 例如公民意識
呢d野一定要實踐, 實踐就要有平台
等於學校教d學生戴安全套, d學生其實唔實踐過自己戴過, 就永遠都唔會識

以上呢一點, 唔好意思, 又係好多年前已有既共識
Martin Lipset o係50年代的研究只係話高經濟水平比較有利民主, 從來冇話過高經濟水平"才適合"行民主
你又可以話, lipset只係一個人, 你可以唔同意佢既.....

補多句啦, d人成日話民主派成日要人派錢
梗係啦, 根本佢地冇機會執政, 佢開口要政府派錢ja ma
又唔駛成本, 又撈到票, 俾我都咁講啦

你試下俾佢自己當家執政, 睇下佢敢唔敢咁講

所以而家既香港政局, 根本係政黨政治受局限之下的畸胎
佢地冇機會執政, 就一定會迫政府做一d冇可能做到的事, 例如又減稅又加福利
因為佢地只有咁樣至能夠撈到票

但係呢, 冇普選平台, 冇執政機會, 就冇可能有政黨政治
咩等政黨成熟至搞普選, 根本係廢話
政黨連執政既機會都冇, 成乜野熟? 你估坐上個特首位, 第一日返工就乜都識做?
呢個係過程. 所以台灣民進黨民生搞到一pat屎咁, 就係咁既原因
執政能力唔夠, 咪下台囉, 第二個上囉. 有乜大不了

香港人太識計數了, 最好就人地做好哂, 餵俾佢地食. 人地歐洲搞革命流咁多血, 今日香港文明富裕唔駛搞革命, 就連行下街都俾人話係暴民
咩世界?!

by 政政柱男
Source: news://news.hkteen.org/43855435$1@news.hkpcug.org
(回應 "福利社會、階級鬥爭，你所欲乎?"一文)

Posted by wewantdemocracy at 天空部落 │17:57:02 │ 回應(0) │ 引用(0) │我們的心聲

普選會導致福利社會及階級鬥爭?

睇完馬嶽早幾日既文, 我作為一個讀政治的人, 十分感慨

我真係唔明白, 點解o係政治學裡面, 俾人推翻左幾十年甚至過百年的理論
o係今日的香港會俾人拎返出黎講, 仲成為主流意見
究竟係政府d人洗腦洗得成功, 定係今日的香港市民(包括大學生)反智無知!?

1. 普選派錢論

呢個係香港的大商家由80年代港英政府推行民主化的時候一直持的論調
估唔到20年後的今日從未變過, 魚翅撈飯的年代如是, 建華八年如是
o係一個健康的社會, 民意通常都係barbell shape的, 即係中間路線佔大多數, 極左或極右佔好少部份
幾乎所有歐美國家都係咁
o係咁既情況之下, 極左或者極右的論調一定唔會有市場, 當然亦包括派錢論
現代政黨的發展趨勢係越黎越中間化, 按貝理雅同anthony giddens的講法, 叫the
third way
即係o係左右兩派之間走一條路出黎
我相信以香港係一個咁成熟的社會 (有教育水平, 經濟及社會相對穩定), 難有咁的情況出現

極左極右的思潮既出現, 往往係社會動盪不安的結果
例如20年代希特拉崛起, 係德國o係世界大戰戰敗, 因為要大量賠款而拖垮經濟的後果
今年德國大選, 極左的黨派得到成10%票(德東地區更加係25%), 係因為統一之後失業率高企的結果
(順帶一提, 今年德國大選, 險勝的基民盟其實係提出左加2%的銷售稅, 佢地既主席Merkel仲要係東德人)
如果o係香港派錢論有市場的話, 其實只係代表左香港的貧富懸殊好嚴重
窮人連飯都冇得開, 又冇能力向上爬, 自然希望派錢
今日香港的堅尼系數係已發展地區最高的, 所以貧富懸殊極之嚴重
再咁搞落去, 胡應湘講既暴民, 真係有可能出現

所以, 如果派錢論o係香港有市場, 只係代表香港真係好可悲
而唔係普選的錯

2. 階級鬥爭

階級鬥爭來源係馬克思的用語, 係指當資本家剝削無產階級而後者無力抵抗
無產階級就會團結一齊進行階級鬥爭

講真, 我真係覺得馬克思講既階級鬥爭, o係香港遲早出現
林行止話香港冇窮人, 非常搞笑, 佢梗係冇睇報紙
早幾日至報話有細路要幫阿媽手o係街邊執．紙．皮
香港的失業率係5.5%, 其實唔算好高(o係福利國家叫正常), 但係青年(15-19歲)的失業率係29%!!

我想問, 你覺得29%呢個數字可以點解釋?
係咪真係家陣d後生仔懶? 懶到3成人都唔願做野?
懶到唔做野然後想有海景公屋住成世??

但係偏偏而家後生仔, 連想自己租公屋都唔得

你知唔知有好多後生仔, 冇學歷冇經驗, 但係又唔想負累父母, 所以想搬出去住, 自力更生?
你知唔知想搬出去住, 一間套房一個月要幾錢?
其實一個人住, 即使住公屋, 生活開支都一定貴過同父母住, 你估佢地唔識計呢條數?

我想問, 呢d社會現象, 同普唔普選有乜關係? 根本就係成個社會都係壓迫窮人, 壓迫青年人
所以階級鬥爭, 關普選咩事? 根本呢個社會的分化, 係政府帶頭搞出黎

而且, 如果普選係帶黎階級鬥爭, 只係選舉雙方根本就唔尊重遊戲規則
邊可能話因為可能有人選中左會派錢, 所以唔搞選舉?
咁既論調, 同輸打贏要有何分別?
如果真係選到個咁既人出黎, 係香港社會本身出左問題, 而唔係選舉的問題
只要選舉公平公正, 大家就要接受任何可能結果
唔通大學生, 讀過幾年書, 投o個票就馨香過綜援人o個票??

最後我想講既係, 我絕對支持普選, 原因係我認為每一個人都有資格去過問佢地身處的地方的事
綜援人幾窮都好, 佢地都係我地一份子, 佢地有需要我地應該幫助佢地, 而唔係剝削佢地既權利消滅聲音然後當乜事都冇
我並唔係著眼民主政治既統治效果 (葉劉講得岩: 希特拉都係有人選至可以從政)
我重視的係, 所有公民o係一個國家裡面, 都應該有權去為自己爭取利益
而且呢個權利一定係均等的, 冇理由李嘉誠有幾十票, 我就得一票

所以, 如果選舉真係會選d派錢的人, 我地要問既係
點解會有咁多人支持派錢, 如何可以令佢地唔支持派錢
而唔係唔俾佢地選
呢個先至叫做平等的政治權利

by 政政柱男
Source: news://news.hkteen.org/43854abd$1@news.hkpcug.org
(回應: "福利社會、階級鬥爭，你所欲乎？"一文)

Posted by wewantdemocracy at 天空部落 │17:50:45 │ 回應(0) │ 引用(0) │我們的心聲

普選與全民投票

好明顯-香港的制度比較不公平，違反了全民"平均"代表和"公平"參與原則(除了和新加坡差不多)

為什麼這麼說?

原則1) - 公平參與 - 除了新加坡，幾乎每一個列出的全民直選議會都是由"一人一票"或"一人兩票"選出，絕不會令有一些選民只能投一票，有一些卻可以投兩票。

原則2) - 平均代表 - "又"除了新加坡，在全民直選議會上，只有一種選出成分(如美參眾兩院、英下院、法國會等)，當然全部議員代表了全國。但即使議會是由兩種選出成分組成，以德國會為例，全部直選議席平均地代表了全國，但全部比例代表議席亦平均地代表了全國。香港的功能議席明顯顯得不公平，有議席(如專業界別)代表1000人，有議席卻代表了十萬人(如工會)，投票權卻是一樣的:(

支持"片面民主"的中央、港府、和親當權者分子，只是人人參與是不夠的，我真正希望是有一個平均全面代表港人的議會和平均全面代表港人的領袖，和令每一選民份量相同的選舉方法。

如果堅持要有"代表中央、港府、和親當權者分子"作主的議會，不如整多個好似英上議院的"貴族議院"，唔好搞乜選舉浪費公帑，全部中央委任算了，讓全港市民認識一下誰是中央屬意的"愛國者"，什麼叫"特權"？什麼叫"貴族"？何必假惺惺把"偏幫"當"民主"呢？令人反感！！！

by 無聊人
Source: news://e-politics21.org/dmlolm$303$1@e-politics21.org
(回應: "「普選」不是解作「全民投票」"一文)

...繼續閱讀

Posted by wewantdemocracy at 天空部落 │17:11:20 │ 回應(1) │ 引用(0) │我們的心聲

“爭取民主普選”集合網上資訊

近日網上有關“爭取民主普選”資料消息很多，在此電郵嘗試集合起來，並歡迎各位朋友增加資料，及請協助廣傳開去。

1. 勇敢踏出民主路‧願見普選創新天「從不放棄」mv下載 -
http://www.rebuildhk.com/upload/rebuildhk_05124.wmv

2. 124宣傳MV-
「等」 : http://cloudless.net/temp/democracy/124Promo-1.wmv
「執迷不悔」: http://cloudless.net/temp/democracy/124promo-2.wmv

3. 專題網站 -
各界活動預告 - http://www.rebuildhk.com/ (綜合活動消息、mv下載等)
我們要民主- http://blog.yam.com/wewantdemocracy( 收集網民在各討論區對民主的心聲)
香港人爭取民主普選 - http://hkdemocracy.blogspot.com/ (轉自電郵文章、民主運動名句格言、普選漫畫報、124爭普選漫畫版)

4. 網站行動「12.4爭取民主普選」網上黑絲帶-
http://www.hiradio.net/images/action/124_hiradio.html
將絲帶掛起在你的網站內，讓我能看見民主普選的一天。

5. 鬼馬廣告 - http://www.rebuildhk.com/index.php
- 呢份五號報告書掂呀！
- 民主散 - 十二月四日是我們發出怒吼！也要阻止立會三分二票通過「謊案」　
- 千萬不要錯失眼前的機會!,曾蔭權領導眾泛民主派演出 -
http://www.rebuildhk.com/upload/rpt5_adv3.wmv

6. 博匯Civic Express 徵集精彩政改語錄 -
http://www.civic-express.com/124.html
「等、再等，莫再等！」沒有葉劉的政改討論，是否小了娛樂性？鄔醫生、梁議員都不敢開口，以免刺激大家。不過，大官和權貴們心態是否已變得開明？

7. 「沒藉口不來」火鳥行動 - http://www.garyfan.org/no_excuse.php

8. 「普選火鳳凰」及其他電子卡 - http://www.garyfan.org/phoenix.php

9. 《為普選遊行打氣！》網上電台節目 - http://ww.prhk.org
一連四晚8:00pm-9:00pm，劉慧卿、曾健成(阿牛)、蕭若元、黎則奮、司徒華、柯華、林旭華、梁國雄(長毛)，為普選遊行打氣！

10. 網民行動「12.4“我們要普選”橫額行動」-
http://www.wm6471.net/12.4.A23.BannerAction.htm

by Power to the Hong Kong People

Posted by wewantdemocracy at 天空部落 │17:06:12 │ 回應(0) │ 引用(0) │我們的心聲

破解-反普選術語

"穩定繁榮" -> 我就不明白，呢樣本身是政府的目標同責任，同普選是兩件事，不能說現在普選了便會"暴動"或"經濟崩潰"。普選是議會的組成方法，不可以說組成方法不合當權者心意便放棄政府的責任。除非政府希望發生動盪以獲得特殊的"緊急權力"。

"循序漸進" -> 拖字訣，不要說立會，連區會都要加120席委任"親信"以保證中央的支配。什麼"循序漸進"??，是不是每屆取消一席委任席便算"循序漸進"？(五百年後先可以全部撤消!!)還厚顏以"新加五席功能組別全由區會選出"為由說民主有進步！？

"人大法令" -> 說什麼人大已規定了07/08的選舉方法，不可以有普選。但是本身人大組成方式已不是公平民主。更不用說他的作用只定"舉手機器"，完全遵從中央意旨。說穿了只是中共專制統治的"民主面具"。至於說法制上人大決定了便"不可能"，反過來說也可以令人大改變決定以為"可能"。這種"舉手機器"的決定，根本以專權者和特權者利益為依歸。

"實際情況" -> 官商勾結一單又一單，冇足夠民主力量監察點得？中央如果覺得"實際情況"唔得，不如說明白"實際情況"是怎樣才可以得？

"令政府大派福利" -> 未發生就用來做借口，官商勾結就得。人民拿多少少福利就唔得？不是說我支持過多"福利"，只是一手送大禮給富商，另一面又以民主會送"福利"為由反普選，好無恥！

by 無聊人
news://e-politics21.org/dmm0jr$71v$1@e-politics21.org

Posted by wewantdemocracy at 天空部落 │17:04:11 │ 回應(0) │ 引用(0) │我們的心聲

November 30, 2005

比方

『現呼籲，別啞忍，站起來，踏前去，再上街，齊吶喊，表訴求，反政改，為普選，爭民主，抗獨栽，１２．４，三點鐘，維園見。』

比方

Posted by wewantdemocracy at 天空部落 │17:17:39 │ 回應(0) │ 引用(0) │我們的心聲

November 26, 2005

12月4日就在維園見！

如果唔想政府一天一天的箝制香港市民的話，12月4日就在維園見！
香港人己經不是只有飯吃就滿足，我們還相信民主才是正確的路，雖然我們會選到一些笨蛋做特首或者議員，但是我們也可以用民主機制將他拉下台，再選過！我知道曾蔭權好能幹，但他不是我們選出來的，所以我們不會滿意他的所作作為！相反，如果曾蔭權是我們選出來的話，我們一定會支持他！

by 深圳苦榮
Source: news://e-politics21.org/dm7j3u$f7q$1@e-politics21.org(回應 "對今次124上街人數不感樂觀" 一文)

Posted by wewantdemocracy at 天空部落 │13:00:06 │ 回應(0) │ 引用(0) │我們的心聲

你12.4會上街嗎?

當我和朋友討論4/12是否要上街的時候.
朋友說:普選我是支持的,但那天我約了朋友看電影.
有人說:普選我是支持的,但那天要和小朋友去探親.
有人說:普選我是支持的,但我覺得我們做不了甚麼,所以還是不去了.
他們反問:你那天會上街嗎?
我說:那天是小女生日,但我告訴她,為了妳將來有普選的權利,
我決定提早為妳做生日,那天妳和爸爸一起上街去好嗎?
小女帶著天真的回答:雖然我不知道為什麼,但我相信爸爸的決定是對的.

by 塘邊學 news://e-politics21.org/dm778v$71i$1@e-politics21.org
(回應: "對今次124上街人數不感樂觀"一文)

Posted by wewantdemocracy at 天空部落 │01:21:44 │ 回應(0) │ 引用(0) │我們的心聲

November 23, 2005

從狗屁胡應殤聯想到水〔慌〕哈爾濱

曾經對這個胡應殤有過好感，除了他較曾憲子之流有腦及較似人一個外．他亦曾對一些人大講過，２３釋法要小心，若果警察無需法庭的準許而入民居自把自為，還成世界嗎！！！

但這人兄昨日說的話就令人大失所望，他說：１２月４日上街示威者的訴求是等同暴民政治．啊，天啊，你這個在美國讀過書的老頭兒啊，美國之寶你學不到，正是你在美國時所為何事．美國之寶就是自由民主嘛．

今天，沒有民主的中國，事事常令人民不知如何是好，就如今日的哈爾濱〔食水危機〕，就真是令人慨嘆．哈爾濱市政府一聲下令就斷水，而其藉口竟一天之內有四個版本．

到底何事！！！！人民一頭霧水．．．．．．．．．．．．．

我就認為是有人收了蒸餾水商人的錢而作出停水決定，當日又為何准許一問化工廠在近河之旁開業，是否有人收了錢而視城市規劃於不顧．

我相信不久，看報紙你會看到中央派人到哈爾濱暸解情況，真是可笑得可以，若有民主，人民與其委任者就是監察者，幹嘛，哪需要甚麼樣的中央派人到埸暸解情況的可笑事．你看美國近期的災難，有無見過華盛頓派人去暸解情況如此可笑．民主之地，人民就是監察者，他們選出來的人亦是監察者．

你胡應殤未曾遇上如此之事吧，就認為民主不用太急．正是針唔拮到肉唔知痛，鄧小平文革被多次批鬥，他才會說出以下的說話：｛好的政體，才會令好人安心做好事，而壞人就難作惡｝．

by steven leung
Source: http://forum.wongyukman.com/viewthread.php?tid=5217&fpage=1

沒有民主,言論及資訊自由毫無保障,極權政府做錯事或出大問題,可以肆意隱瞞歪曲,愚弄民眾;

哈爾濱事件可見,中國人特別是國內同胞,如果仍認為民主政制可有可無,只曉得迷信當權者的話,就快連喝一口乾淨水的自由也會失去.

by 義不容土共奴才
(回應上文)

Posted by wewantdemocracy at 天空部落 │22:40:34 │ 回應(2) │ 引用(1) │我們的心聲

November 22, 2005

民主不代表富強，只是避免暴政的最佳方法

你說得好，制度係死o既，但即使係死o既，亦有優劣，中國歷代盛世固然好，但獨裁政權缺乏制衡，明君之後往往是更漫長的轉朝換代亂世，人民花九牛二虎之力才能驅除暴君，而民主制度將統治者更換的權力交給人民，而任期限制令人有權後失誤中學習，因此，民主不代表富強，只是避免暴政的最佳方法。

文革時是動亂式的暴民奪權，若能讓當代中國人一人一票，大概未必有一半人支持文革。

至於福利社會，是政策上的選擇，為何你如此肯定不民主方式下的指派官僚一定優於將來的民意代表呢？

by yeung (回應 "跟住納稅人又為了d婆婆付出了千萬律師費...領匯之後又一次...都係[民主]的好事" 一thread)
news://my.newsgroup.com.hk/4383ffbb@my.newsgroup.hk

Posted by wewantdemocracy at 天空部落 │22:52:58 │ 回應(0) │ 引用(0) │我們的心聲

November 17, 2005

＋ニ四日一定要上街

路是人走出來的，自己的權益不爭取，日後愧對自己子孫。十二月四日在維園，為大家走出過明天來！！不要再猶豫，行動起來！！

by 三椏楛(回應"＋ニ四日一定要上街")
Source: http://yukmanfans.org/modules/newbb/viewtopic.php?topic_id=111&forum=1

Posted by wewantdemocracy at 天空部落 │23:01:28 │ 回應(0) │ 引用(0) │我們的心聲

November 15, 2005

97前係點又如何？我地而家要普選！聽唔聽到！

97前係點又如何？我地「而家」要普選！聽唔聽到啊！共產黨！

我想問97前無飯食既人，97後係咪無得爭取食飯？

點解97年前香港無得選港督，97後都唔可以普選特首。呢d乜野「邏輯」？

英國人都唔比民主自由你地，所以而家中共都唔比民主自由你地？共產黨實在對我地香港人大好了，連死鬼佬都不如，怪唔得，咁多香港人寧願移民做2等公民都唔留港！共產黨，你好o野！

by Melody 6 Nov 2005
news://e-politics21.org/dkitb1$hcf$1@e-politics21.org

...繼續閱讀

Posted by wewantdemocracy at 天空部落 │21:05:31 │ 回應(0) │ 引用(0) │我們的心聲

香港人：請撫着良知行出來

如果我們仍寄望搞名咀金曲夜的泛民議員
如果我們仍靠鬆散的民陣來吹谷遊行
12月4日遊行多數不能「大」起來

對不認同政改的市民
對爭取民主普選的朋友
今天，為了自已，應努力去動員群眾
12月4日上街，表達自已的意向

老黎文章，有些我未必同意
但鼓勵香港人唔好將倚靠其他人，憑良心自已行出來
我是感動的

by 逆風 2 Nov 2005
(回應黎智英 "香港人：請撫着良知行出來 "一文)
news://e-politics21.org/dk9b5a$iod$1@e-politics21.org

Posted by wewantdemocracy at 天空部落 │21:00:11 │ 回應(0) │ 引用(0) │我們的心聲

以子之矛攻子之盾──逼人人兩票！

民主派被困「鳥籠」？
不如立會人人有兩票！

小人倡議 2008 立會政改還價，向「普及、平等」邁進：
1. 立會功能組別人人也要有一票
2. 新增五席以人口比例按年齡劃分，長者、中年、青年都有代表
3. 癈除 corporate votes
4. 拆小圈子，擴大現有 FCs 選民基礎，包括勞工團体及專業服務

民主派有種的話
那怕譯法
問題係佢地的「普選」衹掛嘴邊等運到
從未認真爭取過
「鳥籠」不需人家設，而是在心中

對 2007凸首選舉小人倡議還價「呵欠」
不投票也罷 (ie. 八百癈柴原地踏步鼓掌)
連李超一家三口都兩回冇得投票o既「選舉」
實貨是黨總書記的一人一票
好心慳 d 喇！

by IFG 31 Oct 2005
news://e-politics21.org/dk48eu$gpp$1@e-politics21.org

Posted by wewantdemocracy at 天空部落 │20:51:23 │ 回應(0) │ 引用(0) │我們的心聲

當然是0708啦！

當然是0708啦！
D傳媒成日話"驚到時選到D垃圾出黎咪死"既言論黎嚇鬼，但其實到時萬一真的選到垃圾，我地依然投票叫佢下台呀嘛，咪到時再選過囉，好和平架！好過無端端整個能幹的平民做特首同律政司司長啦！

by 深圳苦榮 (回應 "有幾多人係一步都唔可以退的，要求零七零八普選?" 這條問題)
31 Oct 2005
news://e-politics21.org/dk2rjr$uo4$1@e-politics21.org

Posted by wewantdemocracy at 天空部落 │20:44:07 │ 回應(0) │ 引用(0) │我們的心聲

我們有多少個十年可以等待?

在中共封殺零七零八普選之後,我們被逼接受這種所謂的循序漸進,而在政改第五號報告
書出台後,零七零八的蟻步進展,普選時間表從缺,間接表明了,二零一二普選亦是渺茫,
中共只希望用一大堆陳腐言論,加上強權,把香港人爭取自主的勇氣磨消,同時培養下一
代奴才,最後完全成為圈中的家畜,到了二零一六或二零二零,普選也許已再不可怕,因為
香港已變了死港。

我們還要忍多久?我們還要退多少步?我們有多少個十年可以等待?我們還要被那些滿口
循序漸進的人欺凌多久?當被外國佔領中的伊拉克人可以投票表決憲法時,我們的政府只
懂作民意調查,然後拿著和中央暗中談好的方案拿出來,回頭對民選議員說"決不讓步",
老天,我們到底是人還是狗?

by 楊 22 Oct 2005
news://e-politics21.org/djc58o$mr2$1@e-politics21.org

Posted by wewantdemocracy at 天空部落 │20:22:14 │ 回應(0) │ 引用(0) │我們的心聲

點解要選舉？

有ｄ能樣話要靠乞
有ｄ廢柴話要上街
有ｄ大條道理話委任唔『係』、唔『夠』民主
有ｄ話選內閣問責正 D

鞋！點解要選舉？

選舉為 mandate ，為更生，為帶來生氣、希望
選舉不是為現在的既得者
而是為未來的接棒人
由人民決定mandate 誰所屬意

正當我們呢幾日談論政改
大家有冇拉闊視野少少
看看一場真正選舉的龍爭虎鬥

這場比并得 198 張選票
結果可能幾出人意表
今晚稍後 1730GMT 就知
現在落盤都危危乎

講緊的是英國保守黨內黨魁選舉
最資深的元老 Ken Clarke 在昨天首輪投票被 out 出局
廿年政治生涯係咁多
熱門 David Davis 在今日亦可能仆街
比青輕一代跑出，領導黨運末來

呢ｄ就係選舉
選舉結果唔係獎賞貼金
選舉是要容人出來做事
選舉可能分化一個團體、社群
但選舉在困難績弱的時候可能是最有效的自力救濟方法

為寫好賽果的、甚或根本無需投票的
『選舉』政改而費力
真係多愚

by IFG @ 20 Oct 2005
news://e-politics21.org/dj89po$rlv$1@e-politics21.org

Posted by wewantdemocracy at 天空部落 │20:17:59 │ 回應(0) │ 引用(0) │我們的心聲

「畀時間表政府」？

點畀？
我地個時間表係八八…係九一喎…

十點搭九上左架巴士，然後問司機 or 問隔離位十點半去唔去到目的地！？ :-P

by Schreibtisch @ news://e-politics21.org/dl7qmk$rk8$1@e-politics21.org

Posted by wewantdemocracy at 天空部落 │13:28:58 │ 回應(0) │ 引用(0) │我們的心聲

November 13, 2005

高登聲援124爭普選民主大遊行聯席

請攜眷參加124爭普選民主大遊行！

反對五號政改報告書
反對小圈子選特首
反對民主大倒退
反對委任議員
反對假民主
反對釋法

支持零七零八雙普選
支持一人一票選特首
支持一人一票選議員
支持香港推行真民主

愛香港愛民主

為良知為未來為下一代
站出來遊行抗爭

Source:http://forum.hkgolden.com/view.asp?message=538592

Posted by wewantdemocracy at 天空部落 │22:57:33 │ 回應(0) │ 引用(0) │我們的心聲

回頁首▲