最近因為要寫Blog講關於合唱既野，發現左自己既音樂取向。
原來，我係好演繹型既人。

演繹型既歌手同唱功型既歌手有咩分別呢？
其實真係自己去鑑定。於我而言：
演繹型既歌手擅長唱情境歌：例如「Ivana - 小心易碎」
又或者好重唱既時候既大細聲：例如「Hacken - 飛花」

而唱功型既歌手就係一把聲唱晒不同類型既歌，
係聲底靚既人獨享既：例如「Kary - 愛你變成恨你」、「Justin - 男人KTV」等等。

當然，人可以隨住首歌既類型去轉用自己既唱腔啦。
但係，對於你黎講，你會選擇情境歌抑或中自己歌呢？

我用兩首歌黎做示範啦下。
一首叫愛得太遲，一首叫小城大事。

前者最重要係詞，一野插中你就順水推舟，
後者最重要係唱，係要喊既，要傷感既，
呢個就係個分別啦。

你究竟係邊類人呢？大家黎講下丫。
記住，唔玩比較，只係講自己喜歡下。