August 26, 2007
鼓勵此網誌：0
今日係CWHK24，購入大量戰利品，使用了約九百大元，還影了一大堆Cosplayer，好彩我地早去，聽講排到去油站，要3-4小時才能入到會場。是日入手：
CWHK24大量戰利品
戰利品詳細資料會在下一篇公佈
今日係CWHK24，香港最大同人展，昨晚打機打得太夜，今朝八點半先至起身，經過一輪超快速既梳洗、乘車、食早餐、去到九龍灣展貿與小丸、陸仔等人會合，以一小時三十分左右完成，排隊既人龍都好長，大約左金庫對出既位置，最前排果D人，七點幾已經到，莫非要來個徹夜組才能排頭位？我地成班人打NDS，小迷以組織身份先入去看看，放低左部NDS俾某人，最後發現冇左張R4咭，玩唔到Mario Kart，好彩有極速部Notebook同社長張R4咭(佢張咭一隻Game都冇，純聽歌=.=)，玩左一陣，其他人有D口渴，搵人去左買D野飲，途中加入幾位BOC團團員，KC還過來放毒(C72戰利品)，約十二點半左右便開始移動，約一點才能入到會場。
首先跟住之前訂好既作戰方案，去左冇得訂既地方買左先，之後四維行下，最後去訂左既地方入手餘下戰利品。今年開兩個Hall，先由Hall B進入，立即過去Neko Mini貓迷你，因為要買糟糕島二週同人本，最後因訂晒而冇得買....OTL。跟住去At Will買Nanoha，順便幫希羅買，隔離Alice in Love見到向映晴開檔，由於要盡快入手想買既野，所以要瞬速移動和快速搜尋目標物，在Golden King拿左幾張Hayate貼紙後，來到Trick or Chick!?那檔，見到台灣組織寄賣既同人(涼宮、Lucky Star)，立即敗！而那件T-Shirt最後都冇入手(之前有諗過，但係要留錢買其他野)，跟住去Rotunda 1。
在Rotunda 1，先去Family & Friends買同人CD，跟住去左獅子之戰旗 LeoFa-studio睇，飛燕大人都係度，還見到剛路過既米王、繪兄等人，還有飛燕大人那位專用女僕(閃光彈呀！)，若天也剛剛來到，拿左張水樹奈奈來港既連署俾我地簽名，影左幾張相後，便去下一站出發。在某一檔看到本零之使魔同人本和一些卡(有涼宮)，諗都唔諗便敗左，在叉雞研見到Lucky Star既襟章，由於太多，最後只選四位主角+みなみ(因為係茅原実里配的)，原本想買埋白石，最後都冇買。西瓜電氣石和名無し工房冇新刊，係NECO青龍入左本Nanoha同人(全彩)。之後見到有人抱住"柊つかさ"既枕頭(很閃呀~)，一直去到絕望之地 / chested / 天罰會議那檔，買左絕望之地既なくな！ひぐらし好萌既畫風，也就係畫栽蘭中學 新！科學部既作者，還買左在天罰會議已預訂既Elychron ～ 學園幻想物語組曲 ～，跟住行返去Hall B。
係A行見到本Sound Horizon同人本萌親父領域，見到內容惡搞所以買左，而最奇怪既係，U行萌少女領域出既同人本點解會在A行販賣(唔記得係A2定係A3)，買完後便到硝子 / 貓姬亭購買由台灣組織天然果凍工廠寄賣既Nanoha本、Fate Only本和紙袋，之後去火狗買同人紀念本，由於人太多，最後都係冇買。去到風林火山買左1 Set同人，過隔離Golden King和Rei's ROOM拿已訂既同人，經過向映晴那檔，見到佢好落力叫，順便影幅相，之後撞到小迷，將我D戰利品交俾佢Keep住，而佢話俾我知，畫"魔力女管家"既ぢたま(某)先生來左香港CW開檔，去埋Finger and Fish拿訂左既野後，便去會一會ぢたま(某)先生，係佢檔買左把扇，簽埋名，正呀。跟住瞬速睇完Hall B，再睇埋Rotunda 1，途中見到小丸佢地休息中，放低剛買既戰利品俾佢地後，便去Rotunda 1影Cosplayer。
在那裡影左好多幅相，其中飛燕大那位專用女僕影得都幾多，比較熱門既涼宮、Lucky Star等作品會多人去Cos，場內既Cosplay專用攝影區唔夠用，每年都會有新既Cosplayer加入，令到大部份Coser在場外影相，還有人流管制問題，令到好多人都要等3-4小時才能入到會場，聽聞最長人龍排到去MegaBox。我不斷進出兩個場館影Coser，係Rotunda 1見到小Day，見到佢冇理由唔影既，而米王依然很落力地繼續放毒，之前叫佢幫我入手既Lucky Star CD/DVD要遲D入，今日都用左將近九百大元，今個月要忍一忍手。之後去左Hall B找映晴，原來佢出左去影相，我行左好耐先找到佢係一樓影緊相，Lucky Star團照，最正係有埋白石同店長、四位主角、小神晶、小優和小南，影得最多都係映晴那個Lucky Star團，還有見到美奈，但係佢今日冇Cos到，行多一陣便離開，去德福商場Join返BOC團，在九展門口見到有一班人，原來有專車載佢地到Maid Cafe「Maiderland」，之後便行路去德福商場與BOC團會合。
今日係意粉屋食晚餐，為J(觸手)去日本留學前既聚會，今日聚會有我、小丸、陸仔、社長、小迷、希羅、GJ、若天、龍、極速十個人，極速部Notebook好毒，こなたWallpapaer，長門既Rainmeter，除左播AIR Blue-ray版，還有ef pv片，仲有Lucky Star，一住食、一住睇，正呀。由於若天唔係太舒服而早走，食完野便離開回家，經過M記時，估唔到會撞到映晴佢地食野，最後便各自回家。
