July 13, 2008
鼓勵此網誌：0
| 加入書籤: |
 |  |  |  |  |  |  |  |  |  |  |
今日影左好多相，比起昨日，人多左好多，最多人Cos依然係ランカ‧リー和シェリル‧ノーム。
今日好遲出到去，因為落過一陣雨，兩點幾、三點出門，去到鑽石山巴士站，見到巴士剛剛走左，唯有等下一班，等左好耐先至到，係車上訓左一陣，之後打左一陣機，依然未到科大=.=，再坐多一陣，終於到了，去到會場羏唔多四點半。
先到會場影下相，之後到噴水池影，由於下午落過一場雨，地下及泥土依然濕的。今日依然係ランカ‧リー和シェリル‧ノーム最多人Cos，差唔多全部服飾都出晒，之後見到Kario、小Day和映晴，同佢地影左一陣相，小Day Cos男角?....唔似喎，但好萌(爆)，而映晴今日出三套シェリル衫，見到既時候係第二套，影唔到第一套真可惜，影到六點幾，映晴去換第三套衫，我同米王、Hayami去Canteen休息。
由於掛住影相，成日都冇野落過肚，先去M記買D野食，再去超市買野飲，休息左一小時便去找映晴影相，到八點幾便去食飯，決定係Canteen食頹餐。今日個焗飯唔錯，可惜叫錯野飲，再加上之前食左野，所以食得一半，同繪神打左一陣PSP，之後搭車歸家。
P.S：今日見到好多人，米王、Hayami、Apache、繪神、龍、愛理大叔、琵琶湖...等等
P.S.2：繪神比左隻超強戰鬥貓(MH)俾我
