疯言讽语

阿虹又闹人啦... 如果5系 我都无办法系呢个时间就坐左系电脑面前 5知好事定坏事

其实系呢个屋企生存 最5可以缺少既就系个脑 但偏偏K.Heng就撞晒板(5系歧视)..
阿虹成日都话 人可以5聪明 但5可以5醒目 而我似乎都有d遗传 特别讨厌5醒目既人

念番起来真系怀念
曾几何时~阿虹都系甘样每日不停甘大吵闹 而我亦都可以话 系俾佢甘闹到大既
记得好多时候我仲会大声顶番佢 深夜试过 日头都试过 相信d旧街坊都会听到过..

历史重演 但系就相隔好多年.. E家既我 反而系有d担心佢
虽然K.Heng无出言顶撞过 但系阿虹日日甘好火 真怕会影响佢健康
而对K.Heng我都有d晤好意思 纵使出于好意 但日日听佢俾自己既阿妈甘闹法
又的确几阴公.. 或者佢太迟入来呢个屋企 又或者系..天生既资质问题 改变5到了..

讲起健康.. 几位老人已逐渐出现晚年迹象.. 而阿虹最近都患上关节炎 行动5多方便..
每日都眼睇住屋企状况向下走 但自己又因为有学业系身 帮5到d咩忙..
果种挣扎同内疚 转下眼又维持左两年几了.. 不过都无咩大不了
念落 都系我5够落力者 要做又点会做5到！

所以最近都再次修炼磨刀 要再更加落力去跑山！冲啊啊啊！呼！呼！俾心机！

例牌既七月十四 我地会番到旧屋 近天黑时分同其他人一样甘拜街边
呢度照样会搭个大棚 搞D仪式同法事之类 年年都几热闹

E家醒番起 有D野真系无得话5信 阿虹话:"呢几年有做呢D仪式 跳楼鬼都少左好多"
而的确 自小就睇跳楼当睇戏既我 呢几年的确无再睇到或者听到类似既事情发生
最多就只系D打更劫舍 听到阿边个边个卖下"料"或者丸仔 再5系就阿边个借落阿癃
无得还而要着草  无可否认~我成长既环境 就系个充满新闻同趣味性既地方

每一年既今日 D老野都会上台唱歌 而首歌就十年如一日 所谓既一曲走天涯..
我地年年都会系度笑 因为同一个老野同一首歌 但就一年比一年唱得无气魄 XD
而每年既呢个时候 个天都总系半落雨状态 时有时无
响街上 每次开始点蜡烛同香既时候 都会有阵好例牌既冷风吹过来
而呢个时候阿虹或者我地都会讲句:"等阵先..未点好啊 5好心急啊~~"
拜完后就会自然甘去个棚里面睇下有咩神字 然后就准备未来几日都哺住

番到旧屋区都总会遇上D旧街坊 然后就会好例牌甘望住我一阵 跟住对阿虹讲:
"呢个你个仔来嘎?!哇甘大个咯..肥左(或者系"发福左"之类)窝~" 
似乎.. 我真系好明显既肥斯大只左.. zZz

环境会造就个人性格同思想 可能自细就对惯D比较三山五岳既人同事
所以系D朋友当中 都会习惯性甘被显得想法复杂同念得太多.. 不过呢个先会系我
七月十四怕5怕鬼?! 我地屋企通常都只会避忌人~

呢排多咗个习惯.. 就係经常都会唔觉意咁係度发牛豆 
落雨嘅时候企响露台度发牛豆 冲凉就望住个花洒发牛豆(谂左好耐先记得番果样野叫花洒)
揸车嘅时候就望住个前镜发牛豆 食饭就望住隔离枱发牛豆 而搭LRT嘅时候 就望住D靓女发牛豆..

到咗宜家 我都係时不时行出公司露台度眼定定..
一如往常嘅生活令人觉得厌闷 对住部电脑多一阵都有D想呕 而当然精神上嘅损耗亦经已非常严重
公司地方细 无办法游荡 只能对住个screen係度发下梦 惟有静心等候下次机会再行出去露台

有人话 会经常发牛豆係因为你过于悠闲 其实..我真係唔介意维持下呢个习惯..
学ZenMan话斋 人好多时都同E-Mail呢家野一样 附上咗好多attachment 例如..名,利,关系之类嘅欲望
生活亦因为attach嘅file越来越多 而变得沉重 所以某D时候係应该学下detach file啦..
发牛豆 并唔係因为无目标 无冲劲~相反响我地紧张而又忙碌嘅生活里边 呢个..可能就係最适当嘅放空

张学友年尾来开唱啦！！暂时都未揾到人一齐去睇 希望到时仲可以买到飞啦~
严格来讲..我唔算係佢个fans 因为对佢嘅事情我无咩兴趣 只係纯碎喜欢听佢D旧歌 钟意怀旧经典咁解啫
实情好多时D新歌我地起初都会觉得唔多好听.. 但当过咗一段时间之后 係某D唔觉意嘅情况下再听番
感觉又会有另一番味道   首歌无变~变嘅..其实系听嘅人嘅心态啫~   人总係难以接受新嘅事物
而又对过去嘅事会无端端多左份感慨同执着 当中可能係因为包含咗某D经历,习惯等等..
D高人话 "本来无一物 何处惹尘埃" 我地无需要咁心如止水 只要懂得将某D无谓嘅file delete咗就得啦

其实有时都唔知自己写紧D咩= = 可能又试到咗要放空嘅时间啦 係时候出去露台抖下气 等食晏~

正话有位靓女无端端係fb度 主动同我say hi! 其实都知道唔会係无聊揾我倾偈嘅啦
同之前d好耐无交流嘅朋友一样~ 无端端揾你 就梗係想你支持佢d咩咩选野大赛啦..
不过见佢都几嗒得杯落 咪帮下人咯係咪先？ XD
之后就当然例牌咁讲声多谢 然之后就唔见咗人啦~

实情好多时候 人嘅受欢迎程度都会同佢地嘅利用价值係成正比嘅
而又有d人每日都好努力 好积极咁去上进 其实可能係希望想将多d价值摆响自己身上
呢个其实都算係个几正面嘅谂法~ 而我亦都承认 係会因为某d价值而醒起某d朋友
"朋友互相帮助" 其实只係个修饰过嘅词句来啫 学校老师总唔可以教坏细路嘅嘛~
"互相交换利用" 应该会贴切d嘅我谂 至于对价值嘅定义 就係每个人都不同嘅~
可能係佢想揾个人陪佢食下饭 买下野？ 而呢个人又咁啱得闲到想陪人地行街食饭..
又或者係想揾个人静静去听下佢嘅哭诉？ 而又咁啱果条油係真係无咩钟意讲野嘅... ？
至于d靓仔靓女 又好大可能可以俾人睇来养下眼 或者係寻求某d幻想同埋安慰之类？

记得我有个朋友 佢对其他朋友都好揀择 俾人感觉佢有d睇唔起比较粗俗嘅人..
但係早排又听佢话自己嘅生活圈子好细 无咩朋友都几无聊 = =
于是我同佢讲下d价值嘅野 但係佢似乎无理会到 或者我d观点都真係好难理解啦~
始终各有所好 我地几个对住佢嘅矛盾都唯有diam diam啦..
其实你揀人 人都揀你啫 係揀择人地嘅同时 係咪都应该考虑下自己都有咁上下价值无叻？

hmm..有感而发啫~ 实情呢个朋友对于我地来讲都有一定嘅value ~

话说港剧已经睇到厌晒 所以就同维豪借咗我嘅童年支柱--幪面超人Black RX！！
哇！！我当年嘅偶像啊！！！



觀看全文...

话说~农历新年又到~呢云提早收工 留响屋企度煲剧,打机,耍太极(係屋企度流离浪荡果种)




觀看全文...

2011年1月1日开始嘅第二个钟头
今朝一起身就搏命咁谂 呢一年仲有D咩未做
年纪越大 过时过节就越有感触 尤其是係来到呢个最后一日...

係咁易坐响某个cafe度迎接新一年 大家都无咩点 就唯独fleming
实情佢应该知我地呢gang係唔钟意落club嘅 但就硬係觉得唔happy
或者佢开始觉得自己已经唔属于K.L. 所以新年倒数呢D日子
想尽量去多D地方 揾番多D回忆 等佢觉得自己都依然係个K.L.人~
而确实跟住我地呢班"平凡"寡佬 係真无咩乐趣嘅 哈！

新年新开始！要再积极D啦！钱照样揾 山照样跑 生活照样过
女~就照样无 哈哈哈 (男人嘅野..唔係钱就係女人嘅啦 XD)
顺便俾多个忠告人地同自己先："凡事~不宜太执着 心中能有恕~"
(确实我呢排真係燥咗好多 原因就唔多讲啦)

今年圣诞节收到两份礼物(少有) 一个锁匙扣同埋两条"底横"！哈哈
Anyway 都係多谢晒啦 谢谢你!(华文) terima kasih! thank you!
今晚fleming一直话挂住pearly~ hmm..其实我都有D (woi!你几时返来啊？)

今晚屋企又炒大锅啦...归根究底都离唔开"揾食艰难"呢几个字
全屋人都响度吵足个几钟头 舅父就兴到将D CD掟到满地都係
(我只义海豪情都唔知俾佢掟咗去边 唉...)

好在我今日都病病地无咩精力 如果唔係都一定吵埋一份
不过我都依然要栋係房门口度镇住个场
因为若果真係打起来 我谂屋里边应该无人係我对手呱？ XD
(貌似舅父睇到我行出来就即刻收起咗郁手嘅念头)
生活...好明显已经越来越困难 纵使钱不停揾番来 要解决嘅问题依然好多..

今日睇到果位靓仔跳楼自杀嘅新闻
你话我黑心都係咁话 2010年里边都居然仲有D咁嘅人 真係...唉！
唔止我地 我谂仲有好多人都係一样 每日都不停咁扑上扑落
周围去跑山就係为生活 为咗揾两餐 有时仲会搞到面阻阻 想郁手添
睇到呢D好似食饱无忧米嘅 为咗个拍拖仔而搞到跳楼自杀咁睇唔开~
你话... 我地可以点谂？

或者生活上嘅摩擦都经已盖过晒我地嘅恻隐 甚至同情心
如果你觉得我地呢D谂法係唔啱嘅 咁即係证明咗 其实你都几幸福
(应该唔会好多人明我讲紧D咩 XD)

无聊到极!!公司一个人都无.. 手头上又无野做 好很闲啊~~

正话有个朋友又吐苦水啦 实情对住佢我唔知讲咩好..
又唔知头唔知路 例牌安慰说话讲出来又觉得老土兼无谓
始终自己嘅问题都係要自己解决 心灵上安慰都帮唔上咩忙

不过通常呢D时候 讲咩都係多余
因为无论点样费唇舌去安慰 诉苦嘅人到最后都依然会觉得自己好苦
係心态~ 佢地可能都只係想揾个人来听下 或者知道下自己嘅苦处
由别人口中嘅安慰说话来证实.. 自己真係好苦
(纯碎个人无聊时意见 我其实都觉得申诉係可以令自己心情好过D嘅)

响繁忙同紧张嘅现实生活里边 人要背负同面对嘅好多
好多时因为太过专心于要做嘅事 而可能会不自觉咁固执起来
所以果日同aaron佢地行过下山之后 个人反而仲精神同轻松咗

想做就去做 唔想做就咪鬼做 有D人话我无责任感(肤浅~~)
做完"想"做嘅野 然后先无牵挂咁去做"要"做嘅野 随心所欲有咩唔妥!?
再讲 间唔中行下山呢种攞苦来辛嘅运动 都几过瘾 XD

又唔记得咗个ID同password啦...好在有将佢mark低咗响本簿里边...



觀看全文...